COVID-19 Nagaland: Kma aser Dmr nung dang anepalur

Kohima, February 12 (TYO): Hokolbarnü Nagaland nung nisung 2 dak COVID-19 aliba putet aser külen nisung 13 taneptsü nguogo.
State nung tang nisung 77 anepaludar aser parnok ajak ya Kohima aser Dimapur nungi dang lir.
“Hokolbarnü Nagaland nung nisung 1 ka dak COVID-19 aliba putet aser nisung 13 taneptsü angu” ta Health & Family Welfare Director, Dr Denis Hangsing-i metetdaktsü.
“Tanü Kohima nung nisung ka dak COVID-19 aliba putet. Ano, nisung 13 taneptsü angu. Parnokji Kohima nungi 10, Peren nungi 2 aser Dimapur nungi 1 lir” ta paisa ashi.
Nisung 12,176 rongnungi 11,861 taneptsü nguogo, ta Dr Hangsing-isa ashi.
Tanü tashi nung COVID-19 puteta aliba nisung 88 tashi asü. Ajisüaka, tasürtem rongnung parnok 10 bo tanga timtem ajanga asü. Ano, nisung 150 tanga state temi ogo, ta paisa shisem.
Nagaland nung COVID-19 nungi taneptsü angubaji 97.41% lir, ta Dr Hangsing-isa ashi.
District balala nung COVID-19 putetba: Dimapur (6,476), Kohima (3,860), Mon (605), Peren (507), Tuensang (248), Mokokchung (192), Zunheboto (142), Phek (47), Kiphire (41), Wokha (39) aser Longleng (19).
Nisung 12,176 nungi Traced Contacts 5,058, armed forces personnel 4,674, tanga state tem nungi arur 1,871 aser frontline workers 573 lir, ta paisa metetdaktsü.
Tang anepalurtemji Kohima nungi 63 aser Dimapur nungi 13 lir. Parnok rongnung nisung 2 dak terara shirangba yimya lir saka 75 dakbo mali, ta Dr Hangsing-i metetdaktsü.
Taneptsü angurtem: Dimapur (6,329), Kohima (3,732), Mon (594), Peren (506), Tuensang (246), Mokokchung (183), Zunheboto (139), Phek (47), Kiphire (40), Wokha (35) aser Longleng (10).
“Nagaland nung COVID-19 alitsü akok ta temolung melemi bilemba sample 1,27,722 tendangogo. Itemji RT-PCR ajanga sample 74,293, TrueNat ajanga sample 37,219 aser Rapid Antigen Test ajanga sample 16,210 tendang,” ta Dr Hangsing-isa metetdaktsü.