COVID-19 Nagaland: Nisung 11,508 nungi 589 anepaludar

Kohima, December 9 (TYO): Bodbarnü Nagaland nung nisung 29 dak COVID-19 putetogo aser parnok züngsema nisung ajak agi 11,508 kümogo. Külen, nisung 62 tashi taneptsü angu.
“Tanü nisung 29 dak COVID-19 aliba putet. Parnokji Dimapur nung 14, Kohima nung 11, Wokha nung 3 aser Tuensang nung 1 lir. Maneni, nisung 62 taneptsü angu. Parnokji Kohima nungi 36, Dimapur nungi 17 aser Peren nungi 9 lir,” ta Health & Family Welfare Minister, S Pangnyu Phom-i metetdaktsü.
Nisung 11,508 nungi 10,728 taneptsü nguogo aser 589 anepaludar. Nagaland nung taneptsü angubaji 93.22% lir, ta Dr Denis Hangsing-i ashi.
Nagaland nung COVID-19 puteta alir nisung 70 süogo. Tasürtem rongnung parnok 60 coronavirus ajanga asü, 7 tanga timtem ajanga aser 3 asüba kuli bushitepdar. Nagaland nung COVID-19 puteter nisung 121 tashi tanga state temi ogo, ta paisa metetdaktsü.
District balala nung COVID-19 putetba: Dimapur (6,287), Kohima (3,509), Mon 600, Peren (480), Tuensang (238), Zunheboto (142), Mokokchung (123), Phek (44), Wokha (38), Kiphire (29) aser Longleng (18).
COVID-19 puteter nisung 11,508 rongnung armed forces personnel 4,610, Traced Contacts 4,548, tanga state tem nungi arur 1,797 aser Frontline Workers 553 lir, ta Dr Hangsing-isa ashi.
District balala nung anepalurtem: Kohima (329), Dimapur (172), Tuensang (42), Mon (24), Peren (8), Wokha (6), Kiphire (4), Mokokchung (2) aser Zunheboto (2).
COVID-19 puteta alirtem rongnung parnok 41 dak shirangba imya terara lir aser 5 ICU nung anepaludar. Tanüngba nisung 543 dakbo shirangba yimya kecha mali, ta Dr Hangsing-isa ashi.
Taneptsü angurtem: Dimapur (6,000), Kohima (3,138), Mon (565), Peren (472), Tuensang (195), Zunheboto (137), Mokokchung (116), Phek (44), Wokha (28), Kiphire (24) aser Longleng (9).
“Nagaland nung COVID-19 alitsü akok ta temulung melemi bilemba sample 1,15,583 tendangogo. RT-PCR ajanga sample 70,473, TrueNat ajanga sample 36,217 aser Rapid Antigen Test ajanga sample 8,893 tendang,” Dr Hangsingp-isa ashi.