COVID-19 Nagaland: Nisung 24,374 nungi 21,367 taneptsü nguogo

Kohima, June 21, 2021 (TYO): Nagaland nung anogo 16 buba COVID-19 aliba puteter dang nungibo taneptsü angur teimba liasü.
Tanü nisung 126 dak putetba züngsema nisung 24,374 kümogo aser külen COVID-19 puteta alir nisung 166 taneptsü ngua taneptsü angur 21,367 kümogo.
“Tanü nisung 126 dak COVID-19 aliba putet. Parnokji Kohima nung 68, Dimapur nung 18, Mokokchung nung 16, Zunheboto nung 9, Peren nung 6, Kiphire o Tuensang nung asemsem (3) aser Longleng, Mon o Wokha nung kaka (1) lir” ta Integrated Disease Surveillance Project atema State Nodal Officer, Dr Nyanthung Kikon-i ashi.
“Külen, tanü COVID-19 puteta lir nisung 166 taneptsü angu. Parnokji Kohima nung 64, Dimapur nung 53, Mokokchung nung 31, Zunheboto nung 7, Mon nung 5, Longleng nung 3 aser Peren, Phek o Wokha nung kaka (1) lir. Parnok züngsema taneptsü angur ajai agi 21,367 kümogo” ta pai metetdaktsü.
Nagaland nung COVID-19 nungi taneptsü angur 87.65% kümogo aser tang nisung 1,844 anepaludar, ta Dr Kikon-isa ashi.
Hombarnü COVID-19 puteta alir nisung 6 asü. Parnokji Dimapur nung 3 aser Kohima, Mon o Wokha nung kaka liasü. Tanü asürtem züngsema tasür ajak agi nisung 475 kümogo saka nisung 14 bo tanga tashidak agi asü, ta paisa metetdaktsü.
Tanü tashi nung COVID-19 alitsü akok ta temolung melemi bilemba sample 2,15,701 tendangogo. RT-PCR ajanga 95,667, TrueNat ajanga 60,036 aser Rapid Antigen Test ajanga 59,998 tendang, ta Dr Kikon-i ashi.
“Deobar tashi nung Nagaland nung nisung 3,53,141 nem COVID-19 vaccine indang dose 4,08,531 agütsüogo” ta State Immunization Officer, Dr Ritu Thurr-i ashi.
Vaccine agirtemji frontline workers 59,920, healthcare workers 15,757, arishi küm 45 ser temapur 1,39,529 aser arishi küm 18-44 tsüngda alir nisung 1,37,935 lir, ta pai ashi.
“Vaccine agirtem rongnung nisung 55,390-i dose anaprong agiogo. Parnokji frontline workers 28,353, healthcare workers 10,366, arishi küm 45 ser temapur 16,670 aser arishi küm 18 nungi 44 tsüngda lir 1 lir,” ta Dr Thurr-isa metetdaktsü.