COVID-19 Nagaland: Nisung 7 dak putet

Kohima, April 9 (TYO): Hokolbarnü Nagaland nung nisung 7 dak COVID-19 putet aser parnok züngsema nisung ajak agi 12,388 kümogo.
“Tanü nisung 7 dak COVID-19 putetogo. Parnokji Dimapur nung nisung 6 aser Kohima nung 1 lir. Külen, Dimapur aser Tuensang nung nisung anana taneptsü nguogo” ta Health & Family Welfare Minister, S Pangnyu Phom-i metetdaktsü.
Nisung 12,388 rongnung 11,988 taneptsü nguogo aser tang parnok 146 anepaludar, ta paisa ashi.
Nagaland nung COVID-19 nungi taneptsü angurji 96.77% lir, ta Health & Family Welfare Department Director, Dr Denis Hangsing-ia metetdaktsü.
“Tang tashi nung COVID-19 puteter nisung 91 süogo saka parnok 10 bo tanga timtem ajanga asü. Külen, nisung 162 tashi tanga state temi ogo” ta paisa ashi.
Hokolbar tashi nung Nagaland nung nisung 80,278 nem covishield indang dose 1,08,565 agütsüogo.
Nagaland nung COVID-19 indang vaccine agirtemji frontline workers 38,903, healthcare workers 12,520, teintet rogo 17,151 aser arishi küm 45 ser temapur 11,704 lir, ta Dr State Immunization Officer Dr Ritu Thurr-i metetdaktsü.
Vaccine agirtem rongnung frontline workers 18,426, healthcare workers 8,723, teintet rogo 736 aser arishi küm 45 ser temapur 402 tashi dose anaprong agiogo, ta paisa ashi.
Tanü tashi nung COVID-19 vaccine agir shinga dak-a temang nung timtem adokba osang mali, ta Dr Thurr-isa ashi.