COVID-19 Nagaland: Puteter aser taneptsü angur maliasü

Kohima, March 1 (TYO): Hombarnü Nagaland nung nisung shinga dak COVID-19 aliba meputet. “Tanü nisung ka dak danga COVID-19 aliba meputet” ta Health & Family Welfare Minister, S Pangnyu Phom-i ashi.

Nisung 12,200 rongnungi 11,949 taneptsü nguogo aser tang parnok 7 anepaludar, ta paisa ashi.

Nagaland nung COVID-19 nungi taneptsü angurji 97.94% lir, ta Health & Family Welfare Director, Dr Denis Hangsing-ia ashi.

Nagaland nung nisung 91 süogo saka parnok 10 bo tanga timtem ajanga asü. Külen, nisung 153 tashi tanga state temi ao, ta paisa metetdaktsü.

“Nagaland nung COVID-19 alitsü akok ta temolung melemi bilemba sample 1,30,436 tendangogo. RT-PCR ajanga sample 74,764, TrueNat ajanga sample 37,347 aser Rapid Antigen Test ajanga sample 18,325 tendang” ta Dr Hangsing-isa metetdaktsü.