COVID-19 Nagaland: Taneptsü angur 97.94% kümogo

Kohima, February 28 (TYO): Deobarnü Nagaland nung nisung ka dak COVID-19 aliba putetba züngsema nisung ajak agi 12,200 kümogo. Külen, nisung 3 taneptsü anguba ajanga tang anepalur nisung 7 dang kümogo.

“Kohima nung nisung ka dak COVID-19 aliba putet. Maneni, nisung asem taneptsü angu” ta Health & family Welfare Minister, S Pangnyu Phom-i metetdaktsü.

Nisung 12,200 rongnungi 11,949 taneptsü nguogo, ta paisa ashi. Nagaland nung COVID-19 nungi taneptsü angubaji 97.94% lir. Nisung 91 asüba nungi parnok 10 bo tanga timtem ajanga asü aser nisung 153 tanga state temi ogo, ta Minister Pangnyu-isa shisem.

Nagaland nung COVID-19 alitsü akok ta temolung melemi bilemba sample 1,30,265 tendangogo. RT-PCR ajanga sample 74,764, TrueNat ajanga sample 37,346 aser Rapid Antigen Test ajanga sample 18,155 tendang.