COVID-19 Vaccination center tem metetdaktsüogo

Dimapur, Metsüremi/March 02 (TYO): State nung aliba nüburtemi COVID-19 mozü mela mela agitettsü mechi Department of Health & Family Welfare ajanga sangdong ka nung March 04, 2021 nungi March 15, 2021 tashi COVID-19 Vaccination center ama amshitsü asoshi Health Units tem shimteta sangdongogo.

Maneni health unit talila metetdaktsütsü, ta sangdong ajanga ashi.
Mozü agütsüba anogotem: Hombar, Mongulbar, Bodhbar aser Brehostibar.

Mozü agitsüpurtem: January 1, 2021 tashinung arishi küm 60 junger alir tema senso ajak, January 1, 2021 tashinung danga tashidak agi menepa alir arishi küm 45 nungi 59 tsüngta, health care aser frontline workers tem. Mozü agitsü temsüa alir senso ajungai pei sasa cowin.gov.in  nung tenüng züluoktsüla aser mozü agütsüba tesemtem nungi iba mozü ya agitsüla.