Cowell’er ‘The Investigator: A British Crime Story’ July ita sayutsü

London, June 28 (Agencies): Television tetoktepba sentong balala nung tetendanger ama tongti shilem agir, Simon Cowell’er television sentong yangluba telok, Syco Entertainment-i taoba police ketdangser ka den aroki lungjemer asangsang nung ozüng alema inyakba otsü nung ajemdaker yangluba television series ka television nung sayutsü renemogo.
“Syco teloki taoba mapang television aser radio sentongtem nung tongti shilem agir, Jimmy Savile ozüng alema tetsür taküm raksatsür ka ta alima dang jungkai adoka sayusang, Mark Williams-Thomas den aroki lungjemer ‘The Investigator: A British Crime Story’ television series yangluogo,” ta mirror.co.uk-i metetdaktsü.
Shilem 4 densemba ‘The Investigator: A British Crime Story’ television series taruba July ita television nung sayutsü aser iba otsü nung taoba mapang, 1985 küm samar, Carole Packman tepsetba tanaben reprangdanga sayutsü.
Packman temang tanü tashi monguteti lir saka la tepsetba ken o nung aitsüba sülen la kinüngbo, Russell nem taküm tepiyong tepuokdak puoka ayutsü temerenshi 2004 küm agüja liasü.

You must be logged in to post a comment Login