CPI-Maoists pur 5 bendanga agütsü

Guwahati, May 25 (Agencies): Ato Kelonser, Narendra Modi-i state mesemdang tsüngda Brehostibarnü CPI-Maoists telungpur parnok 5 Assam police matsüngdang bendanga agütsüogo.
Assam Police, additional director general (special branch) Pallab Bhattacharya-i ashiba agi, Moina Dohotiya-i anir Maoist pur parnok pongu tetsür ka dena police dangi aru. Parnoki parnok temai adoktsüba asoshi telemtetba metetdaktsü.
“Maoist pur parnok isheka anunga lir aser onoki parnok temai adokdaktsütsü asoshi merangdar,” ta Bhattacharya-i ashi.
Iba telungpur telok yagi Arunachal Pradesh nung parnok telok amenoktsüba aser Manipur nung People’s Liberation Army of Manipur den sendakteptsü asoshi Assam ya lenmang ka ama amshir. Maneni parnok ya ULFA-I purden kanga junga sendaktepa lir. Security osang ka ajanga ashiba agi, Garo telungpur teyari ajanga Meghalaya nung par telok amenoktsü asoshi merangdar.