CPO-i ‘Covenant & National Repentance’ among

Kohima, Mongputeni/October 01 (TYO): September 30, 2019 nü Kohima nung Chakhesang Public Organization (CPO)-i ed ‘Chakhesang Day of Covenant and National Repentance’ mongogo, ta ketdangsertem osang ka ajanga metetdaktsü.
Iba dak sendakba nung Chakhesang Public Organization (CPO)-i denomination/Arogo affiliations balalai iba anogo nung sarasadema lumia amongba atema pelaba metetdaktsü.
CPO Publicity & Information Secretary, Vipanyi Krome-i, “Asen lima nung yimjung nung yimtenren latettsü atema yongyaba mapang ka nung iba ama sentong ya nüng dak ta onoki amanger. Nenoki nungitba aser sarasasemji ajak atema taneptsü aser temoatsü asütsü aser asen lima jenjang balala nung lenirtem atema lenisüba asütsü,” ta metetdaktsü.