CPO-i municipal nung tetsürtem shilem magizüker

Kohima, Sept.27 (TYO) : Nagaland nung Municipal Act 2003 nung lateta aliba ama tetsürtem nem menden 33% agütsütsü asoshi state government-i akangshia renembaji magizüker ta Chakhesang Public Organisation-i metetdaktsüogo.

Anungji, iba ozüng nung Naga nungertem dak mapetba onük kechisa lateta ali, itemji tama melenshitsüla ta CPO-isa takangba ka agütsüogo.

Ano, parnokisa Naga yimten tebilemtsü ken o latetba maparen nung kodang südir süaka 1951 küm plebiscite agiba nung ajemdaker Naga National Council-i lemtetba ama kasa tangatetba nung latettsüla ta metetdaktsü.

Anungji, telemtetba agitsü asoshi nüngdakba purtem ajak den shisatsü agia telemtetba agitsüla ta CPOisa metetdaktsü.

Iba telemtetba ya September 26, 2016 nü Pfutsero nung CPO Sanen Luden senden amendang latet.