CPO senden nung bangzüng 3 renem

Pfutsero, March 21 (TYO): March 18, 2019 nü Mini Tourist Lodge, Pfutsero Town nung Chakhesang Public Organization Executive council senden mena bangzüng asem renemogo, ta tanü CPO General Secretary, Veduvo Rhakho-i sangdong ka ajanga metetdaktsü.
“Iba senden nung yaküm December 5 nü amendang CPO-i bangzüng renemba akangshia Chakabama nungi Chozuba adena Zunheboto tashi aser Pfutsero nungi Sakraba adena Phek tashi two lane lenmang yanglutsü atema jembi. Ano külen CPO-i Two-Lane committee züngsemtemi tensa balala nung anibelem arema inyakba atema pelar. Iba dak alia administrators aser PWD (R&B)-i mapang shidak nung ali kibur aser kiojen kiburtem nem temenok sen agütsüra pelatsü. Iba mapa ya mapang atakzüka yur inyakba project ka lir, anungji sen akhangba aser iba project nung timtem agütsüba CPO-i memelatsü. Iba denji külemi contractors dang Contract Agreement nung aliba ama mapa shidak inyaktsü mepishir; mapa mejungi inyakbaji CPO-i magizüktettsü,” ta CPO-i bangzüngogo.
“CPO Customary Law Drafting Committee tentetogo, anungji Constituent Unit ajaki parnok den akoba tashi yariteptsü. Yimdak yimsüsürtemi sobaliba nüngo osettem wazüka ayutsü,” ta sangdong nung shia lir.
“Terenlok atema yimjung aser tesünep nüngdaker. CPO-i Dept. aser melungtet telok balala, talisa Phek College aser Pfutsero Town-i state aser National level nung agizüktettsüsa inyakba atema parnok dang pelar,” ta sangdong nung shia lir.