CRB nungi New Chumukedima lenmang shibanger

Dimapur, January 29 (TYO): Taoba mapang sangdong agütsüba ama Chathe River Bridge (Patkai Bridge) nungi New Chumukedima (Pakala Pahar Bridge) tsüngda tenokdangba agütsüshiogo.
January 22, 2020 nungi tenzüker February 21, 2020 tashi aonung 10:30 ako nungi anepdang 5:00 ako tashi iba lenmang shibangtsü, ta Dimapur Deputy Commissioner, Anoop Khinchi IAS-i metetdaktsü.
Iba dakji alia, nikongtsütsü 3:00 nungi 3:30 aser 4:30 nungi 5:00 tashi lenmang nung tapoktsütem amshiba atema shibangtsü, ta paisa ashi.
Dimapur-Kohima, Kohima-Dimapur senzür gari tilatemi7th Mile – New D.C Court Office – Shokhuvi – Razaphe – Mhaikam – Pimla – Mhainamtsi – Jhornapani/Medziphema ajanga senzütsü akok.