Cricket asayaba dang nungibo acting asütsü tasakba:Sachin

Mumbai, April 14, 2016 : “Sachin The Film” sayaba sülen India nungi nüngtugu cricket asaya alisang Sachin Tendulkar-i, cricket asayba dang nungibo film nung shilem agitsü tasakba, ta ashi.
Iba film ya Brihostibarnü sayatsü lia Tendulkar-i Facebook aser twitter ajanga 1:00 akok meta metetdaktsü.
Iba film ya Mumbai nung aliba  production company 200 Not Out-i London nungi kaket züluba ajanga award angur, director aser producer James Erskine nem direct südaktsür aser music A.R. Rahman nem yangludaktsür.
Küm aika camera agi ni inyaknütsü inyakba noksatem tangoka aruogo. Ajisüaka tang aoksaa camera jakdang tetuyuba ama aitsü kü dang ashir, aser camera jagi ibaji tangoker,” ta Mumbai, New Delhi aser Kolkata yimtim nung IDBI Federal Life Insurance Marathons asemtepba mapang tongti tejaoker asütsü shimba sülen Tendulkar-i ashi.
“Ni atema camera jakdang shilem agitsüji kanga tasak liasü. Cricket asayadangbo ni memeteti camera nung tangok aser iba mapaji temelaba liasü. Film nung shilem agitsüba ya ni kodanga bilema mali asü. Anüngji film nung shilem agitsüji cricket asayaba dang nungi kanga agi tasakba lir, ni cricket sa temeimba,” ta arishi küm 42 tain, Sachin-i ashi.
Tesüiba mapang India cricket team nung captain asüsang, Sachin ya tang IPL nung Mumbai Indians telok nem shisa agütsür ka ama inyaker aser pai, iba film ya nenok ajaki nüngitba ajanga takok ngua tangoktetogo, @SachinTheFilm http://bit.ly/SachinTeaser #SachinTeaser,” ta pai twitter ajanga lemsatep.