Cricket asayar Andre Russell-i Bollywood nung shilem akok

Mumbai, 15 2017 (Agewncies): West Indies nunger cricket asayar Andre Russell international music video ka sayatsü asoshi renema lir aser pa ano Bollywood nung shilem agitsüa akok.
“Ni ‘performing arts’ nung career yanglutsü asoshi asadangdar. Taküm kü indang mezüngbuba international music video ka sayatsü aser iba ya India nung tali rangloker inyakdar. Bollywood film tem nunga shilem agitsü asoshi bilemdangdar,” ta Honibarnü pai ashi.
Iba music vedio ya Los Angeles nung amenoka aliba Gemini Musiq-i produce asütsü. Iba production company ajanga Justin Bieber indang kensep ‘Sorry’ produce süa liasü. Russell-i pa indang music video mezüngbuba parnok teyari ajanga taküm sayatsü.
West India nungi cricket asaya nung all-rounder Dwayne Bravo-i Champion, Jaegerbomb aser Trip abhi baki hai kentem sayaba sülen tang Russell-i music video ka sayatsüba lir.
Russell pai jangraba mapa inyaktsü asoshi Indian actress Mallika Sherawat-i San Antonio, Texas nung tasa aser tajungshiba agüja liasü. Project ka nungbo dena külemi shilem agiba angutsü akok.
Venus Entertainment Group ajanga Russell achaayangtsü.