Crime Patrol Actor Kamlesh Pandey soseta asü

December 14, 2016 (Agencies): Crime Patrol nung police shilem agisang, Kamlesh Pandey Mongulbar aonung Madhya Pradesh, Jabalpur tesem nung pa sasa kahset.
Pa asüba kuli ano tejangja memetet. Osang ajanga ashiba agi Hombar aonung pa yi jemer Sai Colony nung aliba tenur kidangi ao.
Pa yi jemer rongrong adokdakja anüng nung injang kahtok aser iba sülen pa sasa kahset, ta osang ajangasa ashi.
Ano, osang kar ajanga ashiba agi pa ya tenur jala kibong akümba benjong nung mejaokba atema jashia liasü. Police temi lendong atalokba tesem atongdangpo pa süadoker liasü.
Kamlesh-i pa kinungtsü aser tanur küm 15 jala ka aser küm 12 jabaso ka toktsür asü. Iba lendong atalokba indang bushisüngdang tenzükogo.