Criss Angel’er jabaso dak ‘blood cancer’ putet

October 25, 2015: Nüngtugu magic sayur, Criss Angel’er jabaso, Johnny Crisstopher Sarantakos dak blood cancer (lymphoblastic leukaemia) putetba ajanga pa Las Vegas nung magic sayutsü sentong ka thinenogo.
Angel-i Las Vegas nung “Criss Angel BeLIEve” omen nung ajemdaker iba sentong ayonga liasü saka jabaso manemba ajanga Australia-i meyipa ao, ta aceshowbiz.com ajanga metetdaktsü.
Arishi küm 47 tain, Criss Angel-i pa jabaso aliba indang mashiba dang masü saka Australia tsür ka den kibong akümba indanga kodanga mashi.
Pai Hokolbar nü arishi küm ka ser ita ti tanur, par jabaso ajunger tangokba noksa ka social media nung enoktsüba sülen ang par kibong otsü tera meteta aküm.
“Ozü kibong atema bilemja aser sarasademtsür ajak dang kanga pelar,” ta pai twitter ajanga lemsatepogo.
Tan thinenba sentong ajak November 4 nü tashi atsülangogo.