Cristiano Ronaldo-i Most Valuable Player award angu

Turin, May 20, 2019 : FC Juventus nungi asayar Cristiano Ronaldo aser pa tetong Giorgina Rodriguez na Turin, Italy nung May 19 nü FC Juventus aser Atalanta na tsüngda asaya tembangba sülen sempet agütsüba sentong nung tangokba noksa nung angur. FC Juventus-i April 20 nü FC Fiorentina madak takok ngua title benadoker liasü.

Turin, Monupii/May 20, 2019 (Agencies): Juventus nungi nüngtugu striker Cristiano Ronaldo nem Turin club den mezüngbuba küm Serie A Most Valuable Player award agütsüogo. Iba takok ya Portugal nungi asayar atema kanga tongtibang lir kechiyong pai Italy nung mezüngbuba season nung iba award nguogo.
Iba takok anguba sülen Ronaldo-i England, Spain, aser Italy nung domestic player of the year award ngutetogo. Ronaldo-i tang tashi nung Ballons d’Or pongu kokteta lir. Ronaldo-isa item linük tem nung league championships koktetogo.
Arishi küm 34 tain asaya ya Juventus nung 2018 küm arua aden. Pai Real Madrid den külemi Champions League title asemben tashi atonga akokba sülen iba club toktsü. Maneni pa Real Madrid nungi asayartem rongnung tang tashi nung goal timtiba agütsüba asaya lir.
Iba season nung pai Juventus pue nem teyari tulu agütsüogo aser pai goal 21 idakja liasü.
Kasa mapang nung Inter Milan goalkeeper Samir Handanovic nem Goalkeeper of the year award agütsü aser Napoli nungi asayar Kalidou Koulibaly nem Defender of the year award agütsü.
Lazio nungi asayar Sergej Milinkovic-Savic, Sampdoria nungi asayar Fabio Quagliarella aser Roma nungi asayar Nicolo Zaniola nunger nem Midfielder of the year, Striker of the year aser Young Talent of the year award agüja liasü.
Serie A jurila award angurtem yamai alitsü:
* Most Valuable Player: Cristiano Ronaldo (Juventus)
* Best Goalkeeper: Samir Handanovic (Inter)
* Best Defender: Kalidou Koulibaly (Napoli)
* Best Midfielder: Sergej Milinkovic-Savic (Lazio)
* Best Forward: Fabio Quagliarella (Sampdoria)
* Best Young Player: Nicolo Zaniolo (AS Roma)