Cristiano Ronaldo-i Real Madrid toktsütsü bilemer

Madrid, July 20 (Agencies): Taoba mapang Real Madrid captain Iker Casillas’er agent Santos Marquez-i, Cristiano Ronaldo-i pa noksa temeten Valencia Tir Peter Lim’er company nem agütsüba ajanga Portugal nunger striker Ronaldo-i Spanish football telok Madrid toktsütsü ta sayur, ta ashi.
2018 tashi Ronaldo contract lir saka pai tezüngzüktep ka yangluogo ta June 29 nü pai sangdongba ajanga tasüngdangba aika adoker, ta Mint Media goal.com osan ajanga Hombar nü metetdaktsü.
Marquez-i ashiba agi, iba tezüngzüktepji Los Blancos asoshi osang tamajung ka lir, kechiyong iba temaitsü ya Portugal captain (Ronaldo) club president Florentino Perez dang mulung masüba sayur aser pai Real toktsütsü renemba sayur.
“Kenü anogobo Christiano-i Real Madrid adener tanga company asoshi inyaker, iba kuliji kenü anogobo (Perez-i) langzütsüsa akümtsü. Tesem külen Cristiano-i euro sen million 40 aazükba aser Peter Lim nem agütsübaji bilemdangang. Iba ya Valencia senpongi ayir aser ibaji majung,” ta agent-isa ashi.