Croatia Open: Archana o Sreeja nati bronze 3 agizüker

Garazdin, September 21 (Agencies): India’er table tennis (TT) asayar Archana Kamath Girish aser Sreeja Akula nati Croatia kübok Varazdin nung ayonga asayaba Croatia Junior & Cadet Open Table Tennis Championships nung bronze medal 3 tashi agizükogo.
Yashi mixed team shilem indang semifinal asaya nung Archana aser Sreeja na den külemi Hungary tsür, Kira Szabo densemba teloki German telok madak takok mongutetba yong parnoki bronze medal ang agizüka liasü.
Junior tetsür doubles shilem indang semifinal nunga Croatia tsür Clara aser Solvenia tsür, Tamara Pavcnik nati points 6-11, 11-4, 11-9, 11-9 ngua Archana o Sreeja na tsükdaktsüba yong tenati iba shilem nunga bronze medal ang agizüktsü jenjang angu.
Ano, tetsür cadet singles shilem indang semifinal nunga Romania tsür Andreea Dragoman-i points 11-7, 11-7, 11-3 ngua Archana madak takok anguba yong Archana-i final nung shilem agitsü jenjang mongutettsüsa küma bronze medal ang agizüka liasü.
Tan asayamong nung linük 18 nungi asayar 57-i shilem agiba osang jangjaogo.

You must be logged in to post a comment Login