Crore 2.28 alang ganja Shillong nung apu

Shillong, July 2 (Agencies): Honibarnü Shillong bypass nung tata gari ka nungi Custom puri ganja sen jenjang crore 2.28 alang puogo. Osang tejangja ka angazükba sülen custom nung ketdangsertemi tata gari ka apu aser parnoki ganja seret 1,520 packet 93 nung seper ngutet. Ganja ya süngbak aser tarpaulin agi meyibanger liasü.
Ketdangser kati ashiba agi, taküm ganja apuba rongnung iba ya tulutiba lir. “Packet shia seret 16.4 shi liasü aser packet 93 prongla senteperbo seret 1,520 liasü. Shishilembadak iba temesepba chiyongtsü ya jenjang sen crore 2.28 shi asütsü.” ta pai ashi.
Paisa ashiba agi, tata gari den külemi gari anisang aser teyarisang naprongla puogo aser parnok ket nung lir. Bushisüngdang ajanga ngutetba agi, iba ganja ya Tripura nungi Bihar-i belener oya liasü. Ketdangserisa ashiba agi, Iba tesem nung ganja tsünüa shibelenba nung Tripura aser Manipur na tongti lir.