Cross Culture Fest nung Divine Connection-i shilem agi

Dimapur, November 25 (TYO): November 21 aser 22 aonung Hyderabad, L B Stadium nung MTV Desibeats Rock On Winner, ‘Divine Connection’ teloki “Cross Culture Fest” lapokja liasü, iba benjungmung ya India nung Christian Music, Arts aser Culture benjungmung tulutiba lir.
Iba sentong nung Darlene Zschech aser Martin Smith (Delirious) nungeria shilem agiogo.
Divine Connection (DC) ya Nagaland nungi Christian Rock band ka lir. Parnok ya experimental band ka lir aser parnoki Folk, Blues, Rock, Funk Jazz, Hindi aser alima indang aser osang tajung (Gospel Music) contemporary kenten atener. Divine Connection teloki linük nung aser bendanglen maprong kenten sentong noklang aika ayongzüka kaogo.
Cross Culture ajanga linük nung sempet alirtem, aya-tzürartem, anisüngzük makartem aser Khristan tem sabang ka nung longjemdakja iba benjungmung akar.