CRPF aser tanga agency dang tekümdangtsü metetdaktsür liasü

New Delhi, February 15 (Agencies): February 08, 2019 nü Kashmir Police-i CRPF, BSF, ITBP, SSB, Army aser Air Force dang kiralongrari IED amshia amaktsüa akok, ta tekümdangtsü metetdaktsür liasü, ta state police Inspector General-i metetdaktsü.
Yashi nikongdang JeM kiralongrartemi gari tila ka nung improvised explosive device (IED) tapoktsü amena bener taküm tenla agüja CRPF sepai amakba lendong nung CRPF 40 asü aser aika yirua liasü.
Intelligence osangji metetdakja taoba hopta Kashmir Inspector General of Police-i shidi ka ajanga security agency ajak dang “IED amshia amaktsüa akok, anungji nenok tesemi aodang mesüra mapa lemzüdang item tesemji tama mita reprangmatsüla,” ta metetdaktsü.
“Kanga Rongdak” ta ser agutsüba shidiji Deputy Inspector General of CRPF, South Srinagar; DIG CRPF, North Srinagar; DIG CRPF North Kashmir, Baramulla; DIG CRPF South Kashmir, Awantipora; DIG CRPF South Kashmir, Anantnag; DIG Sashastra Seema Bal, South Headquarters (Special Operations) Kashmir aser Kashmir zone nung Senior Superintendent of Police ajak nem agutsür liasü.
Kasa osangji IG CRPF, Srinagar sector, IG BSF Headquarter Kashmir, Kashmir nung DIGP ajak, Brigadier General Staff (operations) Srinagar-based 15 Corps, DIG Indo-Tibetan Border Police (ITBP), Air Force, Commandant CISF aser SSP, Armed Police, Control Room Srinagar nema metetdaktsür liasü.
Jelia tekümdangtsü metetdaktsür liaka CRPF convoy gari 78 nung sepai 2,547 ji Jammu nung transit camp nung Srinagar tashi yoktsü atema CRPF-i temelaba agutsü.
1989 küm Jammu & Kashmir nung Pakistan-i pusemba Separatist campaign tenzükba sülenbo kiralongrartemi khen amakdang sepai timba tepetbaji yashi tatalokba ya asütsü.
2016 küm September 18 nüa kiralongrartemi Uri Army camp amakdang security sepai 19 tepset; ibaji mangyanga India-i surgical strike oa Pakistan nung aliba kiralongrartem camp aika amak.