CRPF-i Central Jail, Dimapur nung medical camp

Dimapur, December 6 (TYO) : Mongulbarnü 173 Bn CRPF-i Central Jail Dimapur nung puoka alirtem asoshi angati medical camp ka ayongzüka agi.
Iba camp ya Civic Action Programme 2016-17 kübok ayongzük aser tepuokdak ayur nisung 128 temang tendanga reprang aser mozütem agütsü.
Iba medical camp nung 173 CRPF aser Central Jail nungi ketdangser aser doctor temi yaritep.
173 CRPF nungi commandant, Joseph Keishing; SMO, Dr. Api Bagra; assistant commandant, Khayap Shing aser assistant commandant, Poonam Negi aser Central Jail nungi senior superintendent, Thungdemo Lotha; Dr, K Yeptho, MO, aser Dr. Oben Yanthan, jailor nungertem liasü.