CRTU-i lenmang majungba atema mesenzür

Kohima, October 31 (TYO): Kijumetou adena Chozuba nungi Kohima tashi aser Chetheba adena Chozuba nung Kohima tashi gari lenmang kanga majungba agi October 30, 2017 nungi Chozuba Range Taxi Union-i gari tulu kiburtem den longjemer item lenmang nung mesenzür.
November 1 anepdang 5:00 ako nungi nikongdang 5:00 ako tashi taxi service aser commercial vehicles mesenzütsü, ta CRTU-i osang metetdaktsüogo.
Sorkari anogo 20 tsüngda item lenmang anepalu masü nungbo Union-i lenmang ajunga mokdanger lungkak aittsü, ta parnokisa ashi.