CS amakba nung Kejriwal-i shilem agia lir: Delhi employees

New Delhi, Tsüklai 26 (Agencies): Tanü Delhi Government Employees Joint Forum-i, Delhi Chief Secretary, Anshu Prakash dak azüktsü asalentong yangluba nung Delhi Chief Minister, Arvind Kejriwal aser Deputy Chief Minister Manish Sisodia nati shilem agia lir, ta aitsü.
Iba forum nung züngsem, Pooja Joshi-i, “Chief Minister aser Deputy CM nati ibaji magizüker. Ibaji ajanga asalentong yangluba nung tenati shilem agia lir ta sayur,” ta ashi.
“Onoki LG aser Commissioner of Police na dang ozüng nung ajemdaker CM aser Dy CM na nem temerenshi agutsütsü mepishir,” ta laisa ashi.
Joshi-i ashiba agi, parnoki Chief Minister, Deputy CM aser MLA tem den senden mamentsü mesüra phone ajanga mejembitsü saka shidi ajanga dang tongtepratepa inyaktsü.
Taoba Sangtennü (Mongolbar) Chief Secretary-i, CM kidang Chief Minister Kejriwal-a lia AAP MLA anati pa dak azük, ta sangdonga liasü.
Ano külen Delhi sorkari official senden ajak live stream sayutsü atema telemtetba agiogo. Ketdangser kati ashiba agi, tang nungibo sorkari senden amenba ajak website ka ajanga live yoktsü atema sentong yangludar, ta metetdaktsü.
“Senden nung shibai kechi jembir, ajakji nüburtemi metettsü,” ta paisa ashi.
Ibaji mapa küma inyakra taruba budget nung iba mapatong atema sen lemzüktsütsü.