CSA-i Steyn nem contract magütsü

Johannesburg, Metsüremi/March 24 (Agencies): Asayar tejen Dale Steyn, 2020-21 season atema Cricket South Africa’s national contracts nungi aginogo aser kasa mapang nung left-arm seamer Beuran Hendricks asayar 16 shimba nung züngoksemogo.
Arishi küm 36 tain Steyn, yirurba ajanga küm asemshi junga masayaa-i arur ICC Men’s T20 World Cup nung shilem agitsü imlaa February ita meyipa aru.
Ajisüaka South African board-i lanur asayartem dak tamang akaba sayua fast bowler Anrich Nortje, all-rounder Dwaine Pretorius aser batsman Rassie van der Dussen nunger nem contract agütsüogo.
Taoba captain Faf du Plessis nem contract tasen agütsüogo aser iba ajanga Sri Lanka aser Australia den Test asayatsü aliba densema tanga asayatem atema pa team nung tongtibang züngsem ka ta sayur.
South Africa team home nung India den T20 series ka asayatsü lir aser away nung West Indies, Sri Lanka aser Pakistan den asayatsü.
CSA-i ashiba agi, “asayar shirnok 2020/21 season atema shimogo aser shirnok nem contract magütsü parnoki National Contract upgrade atema qualify sütettsü.”
“Onoki tebur asayar 17 indang contract lapoka toktsütsü telemtetba agiogo aser asayartemi junga asayaa qualify sütettsü,” ta Faul-i ashi.
Tetsür asayartem rongnung Nadine de Klerk aser Sinalo Jafta na contract upgrade sütsüogo.
COVID-19 tashidak pokteter aliba ajanga CSA-i first-class cricket, List A cricket (Momentum Cup), semi-professional aser provincial cricket ajak; All Junior aser Amateur cricket densema cricket asaya ajak ita ana atema sota lir.
India den ODI asaya asem asayatsü aliba dena iba tashidak prokshia aoba ajanga thiogo.
CSA-i contract agütsüba tebur asayartem: Temba Bavuma, Quinton de Kock, Faf du Plessis, Dean Elgar, Beuran Hendricks, Reeza Hendricks, Keshav Maharaj, Aiden Markram, David Miller, Lungi Ngidi, Anrich Nortje, Andile Phehlukwayo, Dwaine Pretorius, Kagiso Rabada, Tabraiz Shamsi, Rassie van der Dussen
CSA-i contract agütsüba tetsür asayartem: Trisha Chetty, Nadine de Klerk, Mignon du Preez, Shabnim Ismail, Sinalo Jafta, Marizanne Kapp, Ayabonga Khaka, Masabata Klaas, Lizelle Lee, Sune Luus, Tumi Sekhukhune, Chloe Tryon, Dane van Niekerk, Laura Wolvaardt.