CSAB-NEUT, 2019 counselling agitsü

Dimapur, Luroi/August 1 (TYO): Directorate of Technical Education OSD, Centre-in-Charge, Er. Vipulhou Lhoungu-i sangdong ka ajanga, JEE (MAIN)-2019 tatidang agütsür aliba candidate tem, CSAB-NEUT 2019 seat allotment portal (csab.nic.in) nung züngoker alir aser malir ajak CSAB-NEUT, 2019 atema spot round counseling August 6, 2019 nü 2:00 ako nungi tenzüka Directorate of Technical Education, Nagaland, Kohima office nung akatsü metetdaktsüogo.
Spot-round registration form ya Directorate website dtenagaland.org.in nung angutsü mesera office nungi agizüktettsü. Spot round nung shimtetba candidate temi sen 3000 cash nung agütsütsüla, ta kasa sangdong ajanga metetdaktsü.
Tongtibang temetettsü kar:
1. Menden tazüng alibatem mapang tatsüka lir metetdaktsütsü.
2. Spot-round registration form benoktsüba tatembangbuba anogoji August 6 nü 12:00 ako tashi asütsü.
3. Candidate tem ajak tsüngtong arutsü nüngdaker aser parnok den academic dak sendakba nung kuli kakettem aser passport size photograph 3 bener arutsü nüngdaker.