CSR-i Niathu Sports Festival 2016 ayonger

Dimapur, September 16 (TYO): Dimapur kübok Chumukedima nung tentetba Naithu Resort nung Naithu Sports Festival 2016 taküm November ita 3-5 nü tashi agitsü ayongba osang ka Corporate Social Responsibility (CSR)-i tanü sangdong ka ajanga metetdaktsüogo.
Niathu Group & Niathu Privilege Club kübok tentetba CSR-i ‘Celebrating Youth through Sports’ omen nung ajemdaker tan asayamong ya ayonga lir.
Iba asayamong nung tetsür & tebur Cycling Road Race (I/C Vikeduo: 9856000248), tetsür & tebur Volleyball (I/C Repa 9436013634), tebur Billards (I/C Martin: 9862371956), tebur Singles & Invitation Doubles tennis (I/C Asa Khate:9436261009) aser Under 19 tetsür & tebur Badminton (I/C Tali Jamir: 9436005242) küma lemsar toktepa asayatsü renemogo.
Asayamong nung shilem agitsü jangrartemi asayatsü form Niathu Resort, Chumukedima; Vivor Hotel, Kohima; Sports World, Kohima; Sports Inventory, Kohima aser Kiran Sports, Dimapur nungi agizüka kasaji temonoba agi taruba October ita 20 nü tashi nung tayonger ket tongtsütsü metetdaktsüogo.
Asayamong den sentakba osangtsüsang tali jangjashitsü jangrartemi Festival Secretary, Nisheto Awomi den phone no. 8575003782 ajanga tongteprateptsü akok.