C&SS, NILD nati PwDs/CwDs atema teyari osettem lemtsü

Mangkolemba, Aami/June 21 (TYO): June 21, 2019 nü Care & Support Society, Mokokchung Nagaland-i National Institute for Locomotor Disabilities (NILD) Kolkata den senteper Mangkolemba nung PwDs/CwDs nem teyari osetsüset balala lemja liasü; iba sentong nung Social Concern Committee, Mangkolemba Baptist Arogo-ia yaritep, ta tanü osang ka ajanga metetdaktsü.
Teyari oset balala lemtsüba sentong ya Imkong, CBRW leniba nung agi aser CDPO Mangkolemba o C&SS Managing Director natia o tatsütsü jembi.
Care & Support Society-i mapa tajung inyakba atema pelaba lemsatepdang CDPO-i ano maneni nüngdakbapurtem atema mapa tajung inyaktsü ajungshi.
CDPO-isa Social Concern Forum, Mangkolemba-i mapa tajung inyakba atema pelaba shisem.
Sentong tembanga Social Concern Forum Convenor, Amongla-i tepela anküp o jembia liasü.