CSU-i ILP mita aodang nisung 25 apu

Kohima, June 25 (TYO) : Naga Students’ Federation (NSF) tetuyuba kübok Chakhesang Students’ Union (CSU)-i June 17-18, 2018 anogotem Chakhesang nunger litsü nung aliba Non local tem indang Inner Line Permit jangjaba maparen inyak.
CSU-i ILP mita aoba maparen mezüngbuba shilem nung parnoki ILP malir nisung 25 apu aser parnok state nungi aneintsü atema administration ket nung agütsü.
CSU-i ILP mita aoba maparen tanabuba shilem mashii mapang ka nung agitsü, ta CSU general secretary Nuvokho Rhakho-i metetdaktsü.
CSU-i pei telongtet nung ILP mita aoba mapa inyakogo, ajisüaka iba mapa ya kaketshir telok nem dang meinyaktsüi public-ia pei aliba tesem nung iba khuret agientsü atema mapa inyaktsüla, ta CSU-i ashi.
Administration-ia ILP agütsüba mapa nung metokmeperia inyaksemba kar ajitetogo aser itemji tarutsü nung metongshia inyaktsü atema District administration nem agütsütsü ta CSU-isa metetdaktsü.