CTC nung mezüngbuba acting principal inyaksanger kibongi CTC aser Impur semdang

Dimapur, July 7 (TYO) : 1972-1974 tashi CTC nung mezüngbuba Acting Principal inyaksanger kibong CTC-i arua July 1-5, 2015 tashi among.
Iba mapang tesüiba anogo nung parnoki CTC asoshi koma bendanga agüja inyak, aser tanü Tsüngremi College koda anir item indang bilemteta Tsüngrem tenüng sanga liasü.
Pa aser par kibong asangsang nung angubaji tang CTC nung tenzüker rongnungibo Rev. Dr. Rongsen dak alaka mezüngbuba nguyur asünung mamangseti pelatepa liasü.
Rev. John aser Aruna Desai, denapronglai CTC nunger den July 2 nungi July 5 aonung tashi, anepdang aser aonung shia Tsüngrem osang lemsatepa liasü.
Parnoki Impur arogo semdanga idakji telongjem mapang tajung July 4 aonung agia liasü. July 5 nü, Mokokchung Town arogo nunga Youth Sunday sentong nung Tsüngrem O jembi.
CTC toktsür küm 41 buba nungang CTC aser Ao lima semdanger asünung, alima aser arogo nung terenlok aliba indang reprangteta Tsüngrem tenüng sanga liasü.
Rev John aser Aruna Desai na ya America senso lir aser tang Princeton nung International Students rongnung tenzükba mapa teinyakdak lir.