CTL: Hyderabad teloki Punjab den final asayatsü

Nagpur, December 05 (Agencies): Hyderabad Aces teloki Nagpur Orangers madak takok ngua tang tasayadak Champions Tennis League (CTL) asayamong final-i yashi, Hokolbar nü iogo.
Thomas Johansson-i points 5-4 agi Alex Corretja madak takok ngua par Aces telok temaba jenjang nung ajungkettsü.
Ajisüaka, Serbia tsür, Jelena Jankovic-i points 5-4 ngua Aces asayar, Martina Hingis tetsür singles asaya nung tsükdaktsüba yong par telok anapronglai points 9-9 ngua kasa jenjang kümdaktsü.
Tesülen, Hingis o Ivo Karlovic nati points 5-4 ngua Jankovic o Feliciano Lopez na tetsür doubles asaya nung tsükdakba yong par Ace telok jenjang tajungba aküm.
Lopez o Divij Shara natia points 5-3 ngua Karlovic o Jeevan Neduncheziyan na madak tebur doubles asaya akokba anguba yong par Aces teloki points 18-17 ngua temaba jenjang angu.
Tatembangba asaya nung Karlovic-i Lopez tsükdakja par Orangers telok jenjang tajungba kümdaktsü saka tatem nung Aces teloki yashi asayaji koka final asayatsü jenjang ajangzük.
Aces teloki Punjab Marshalls telok den asüng, Deobar nü final asayatsü.