CTN Baptist Arogo-i tintet sensotem atema Medical camp katsü

CTN, October 08, 2019 (TYO): October 5, 2019 nü Changtongya Town Baptist Arogo nung tintet senso-tem atema Women Ministry-i achaayanga free medical camp ka katsüogo. Iba camp ya “Noble Life Foundation” Dimpur pur achaayanga agi aser alishi nung kanga tajangzük tulu agüja liasü. Doctor, nurse, technician aser teyariteper ajak agi parnok nisung tertenet (17) tashi aruba den ano nüngdakba machine aser mozü teperi bener arur nisung noklang asem shi (300approx) angati agi temang anepalutsüogo.
Malangba teyari tulu mulungsoa agütsünung Arogoi Noble Foundation telok danga kanga pelaba metetdaktsür aser Tsüngremi iba telok maneni moajangma ta sarasademtsüba metetdaktsüogo.