CTN jila nung ki ka rongdok

Changtongya town (Mokokchung), April 25 (TYO): April 24, 2017 ayaterm 11:40 ako meta Changtongya Town, Longpangtsung Ward nung National Highway-2 den atongtepa aliba, anaben amentepa asüba semi-pucca ka meshimeshia rongdokogo, ta ketdangser osang ka ajanga tanü metetdaktsü.
Iba ki ya Akhoya nunger Wb. S.T Yanger’er ki liasü, aser iba kitsük-kirong ajanga sen crore ka shi takoksa nguogo.
Tuli jila nungi fire brigade van atuba aser jila sensotem teyaritep ajanga kibur telidak R.C.C building bo tera dang rongdokba den külemi anasa aliba kitembo mi lendong nungi kümzük, ta ketdangser osang nungsa metetdaktsü.
Kiburi ashiba agi, miji electric short circuit ajanga adoka liasü.
April 25, 2017 anepdang 6:00 ako meta S.D.O (C) Chumbamo Humtsoe den Dobashi-i iba tesem semdangogo aser takoksa angur kibong ajurua parnok dang akokba tashi teyari ajak agütsütsü ta shiogo.