CTN – Longleng lenmang survey süshidaktsüner

Mkg. August 16 (TYO) : Changtongya aser Longleng na tsüngda gari lenmang ulushia yanglutsü asoshi National Highways and Infrastructure Corporation Limited (NHIDCL) teloki agizüka lir aser parnok dang ali kiburtemi ano khen iba lenmangji jungjunga survey südaktsüner ta temepishiba shidi ka Deputy Commissioner, Mokokchung nem agütsüogo.
Parnoki ashiba agi, taküm 2019 küm June 24 nü SDO (Civil) Changtongya-i ayongba senden nung, Changtongya- Longleng lenmang inyaktsüba maparen nung NHIDCL teloki tetsüngda nung tangar shinga manioki Akhoya putu menden aser ali kiburtem den dang jembitsü ta lemteta lir, ajisüaka yamaji mesüi NHIDCL-i inyaka lir .
Anungji, ali kiburtem ajak lia ano khen iba lenmangji survey südaktsüner ta parnokisa mepishia metetdaktsüogo.