CTN nung Global Iodine Deficiency anogo amung

Dimapur, October 26 (TYO) : October 21 nü Global Iodine Deficiency Disorder Procession Day amungba nüngtem nung Changtongya nung October 26 nü awareness programme cum slogan writing competition sentong agi.
Iba sentong ya CHC Changtongya-i ayongzük aser Christian Standard Higher Secondary School Changtongya nung agia liasü.
Sentong nung mendenji Principal CSHSS, Lipokpenla Pongen liasü aser lai SMO nem tenüngsang agütsü.
Sentong nung SMO CHC, Changtongya, Dr. Imtijungshi-i kaketshirtem dang iodine indang temettetsütem ashi.
Iodine ajanga temang nung tajangzük agütsüba aser iodine peria maliba ajanga timtem bener arutsübatem paisa metetdaktsü.
Iba sentong nung slogan writing competition nung takok angurtemji, Imdener Class 9 (First), Sentimeren Imchen Class 9 (Second), Imrichiba Class 7 (consolation prize), Imnaakum Class 9 (consolation prize) aser Aotola Class 11 (consolation prize).
Sentong nung class 6 nunhi 11 nung azünger kaketshir 140 tashi asen aser Changtongya Town Baptist Arogo sannüker T. Yanger-i takoker nem sempettem lema agütsü.