CTN nung Poshan Abhiyan senden amen

Changtongya, Chiteni/July 11 (TYO): “Poshan Abhiyan” kübok mapatong latettsü atema July 11, 2019 nü of SDO (C) Office Chantongya Office Chamber nung senden ka menogo, ta Brihostibarnü ketdangsertem osang ka ajanga metetdaktsü.
Iba senden ya SDO© Changtongya, Moakumzuk Tzudir leniba nung amen. senden nung pai Department aser mulungtet teloktem dang iba mapatong takok ngua inyaktettsü atema amalitepa inyakdaktsüner, ta mepishi.
Senden nung CDPO Changtongya, Sentimenla-i Poshan Abhiyan kübok IEC atema Action Plan aser advocacy indang metetdaktsü. Laisa IEC asalentong nükjidongtem metetdaktsü. Lai stakeholders ajak dang publicity awareness programme indang metetdaktsütsü ajungshi; iba ya July 12 nungi August 26, 2019 tashi CDPO Chantongya kübok agitsü.