CTN nung sorkar kaket reju tenzüker küm noklangjongmung amung

Changtongya, October 04, 2017 (TYO): “Shisaliok ajanga chichiba nüchi” omen nung ajemdaker Changtongya Lima Sorkar Kaket Reju Tenzüker Küm Noklangjongmung sentong October 04, 2017 anogo Changtongya Baptist Arogo nung Education Union Changtongya ajanga ayonga munga liasü.
Iba sentong nung o jembirtem Wb. T.N.Jamir (IFS), DFO Mokokchung aser Wt. S. Arenla Lkr, Principal Fazl Ali College Mokokchung na liasü. Wb. T.N. Jamir ajanga “Yashi aser tanü asen shisaliok jenjang asadangba” onük nungi jembi aser Wt. S.Arenla Lkr-i “Asüng asen shisaliok jenjang nükla” onük nung jembia liasü.
Changtongya Kaketshir Telongjem ajanga sentong lapoktsü, pela agizükba o Wb. I. Kümzük Lkr, Chairman Changtongya Village Council aser Tepela O mezüng tesayur Wb. Sobotoba’er kinunger nungi Er. R.Tako Lkr ajanga jembia liasü. Iba sentong nungsa Wb. N. Imo Longkumer-i tayongzükba o jembi aser asür bilemtetba mapang Rev. I.Wati Jamir Pastor CBC ajanga agia liasü.