CTN nung sorkar kaketreju küm 100 ajungbamong amongtsü

Dimapur, October 01 (TYO): Education Union, Changtongya-i ayongzüka Changtongya lima sorkar kaket reju tenzüker küm noklangjongmong sentong ka “Shisaliok ajanga chichiba nüchi” omen nung ajemdaker October 4, 2017 anepdang 10:00 ako nungi Changtongya Baptist Arogo nung agitsü renema lir, ta tanü sangdong ka ajanga metetdaktsü.
Iba sentong nung onük jembirtemji DFO Mokokchung, Wb. TN Jamir (IFS) aser FAC Mokokchung Principal, Wt. S Arenla Lkr na asütsü, ta sangdong nungsa shia lir.