CTN Town nung nübodoka mapa inyak

Changtongya town, August 12 (TYO): Taruba Independence Day anogomong amongtsü aliba nung ajemdaker August 12, 2019 nü SDO (C) Changtongya-i ayongzüka Changtongya town nung nübodoka mapa inyakogo, ta ketdangsertem osang ka ajanga metetdaktsü.
Nübur aika adenshia parnoki peipei ward nung ai ayipba den kilentzü aodak merüktet aser lenmang nung aliba ongken atepshiba nung shilen agiogo. Item mapa ya ward ketdangsertem leniba nung inyak.
Iba dak alia Government Office balala nung staff temia office temeket merükteta mongogo.