CTSU Inter-School asayamong ayonger

Dimapur, September 03 (TYO): Tan September ita 22-26 nü tashi Chumukedima Town Students’ Union (CTSU) Inter-School asayamong asayatsü ayongba osang ka CTSU Tir, Hovise Naleo aser CTSU Games & Sports Secretary, Avi Khro nati tanü sangdong ka ajanga metetdaktsüogo.
Chumukedima Town Area nung tentetba kaket reju ajungi iba asayamong nung shilem agitsü tetuyuba ka tenati metetdaktsüogo.
Kaket reju shia nungi tajemba agi kaketshir 30 adenba teloktem rong nung March Past tetoktepba agitsü renemba den külemi, tebur aser tetsür shilem nung Class 11 & 12 football, Class 7-10 football aser Class 6 ser tekübok kaketshir rong nung athletics tetoktepba alitsü ayonga lir.