Cuba Tir, Raul Castro-i France semdangtsü

Paris, December 16 (Agencies): Cuba Tir, Raul Castro-i France yimtiba, Paris sangküm 2016 küm February ita semdangtsü sentong renemba osang ka France sorkari tanü, Bodbar nü metetdaktsüogo.

“Cuba Tir, Raul Castro-i ozü linük yimtiba, Paris sangküm February ita semdangtsü sentong renema lir,” ta France sorkar otongdar, Stephane Le Foll-i ashi.

France Tir, Francois Hollande-ia Cuba taküm May ita semndanga Raul aser teti, Fidel na den ajurutepa liasü.

Hollande-i Cuba semdangba sülen Cuba o United States na tsüngda küm 50 shi tesendaktep mejungi lir külen par linük ana sentaktepshiba sülen Cuba semdanger mezüngbuba West lenir aküm.

“Cuba anema rongsenren tenokdangba benokba ajanga par linük nem takoksa tulu bener arutsüogo,” ta shia, US-i Cuba anema benokba rongsenren tenokdangbaren agientsü asoshi Hollande-i US ajunghsia liasü.

Arishi küm 80 tain Raul-ia taküm May ita Italy semdanga Roman Catholic lenisang, Pope Francis den Vatican nung ajurutepba osang jangjaogo.