Cuba:Military tayimtsü tsükokdang nisung 8 asü

Havana, April 30 (Agencies) : Honibar anepdang Artemisa province nung Cuba military indang tayimtsü ka tsüngkokba lendong nung tayimtsü nung mena aliba military nisung 8 asü, ta linük osangbenertemi metetdaktsü.
Iba tayimtsüji Cuba Revolutionary Armed Forces indang liasü aser iba tayimtsü jagi linük yimtiba Havana anüdoklen tsütsü aliba Artemisa province tenem ka nung oa atsük, ta osangbenertem ashi.
“Iba tayimtsü nung crew dena military nisung 8 asü,” ta Ministry of Revolutionary Armed Forces-i ashiba linük nung osangbenertemi metetdaktsü.
Russia nung yangluba, AN-26 tayimtsüji anepdang 6:38 ako nung Playa Baracoa airport nungi apuso. Iba airport ji Havana tezülen lir aser tayimtsüji apusor kobi melii Candelaria jila nung aliba Loma de la Pimienta tenem nung tsükloka oa atsük.
“Iba tayimtsüji komaser tsükok ibaji bushisüngdangtsü asoshi Ministry of the Revolutionary Armed Forces nungi telok ka tentetogo,” ta sangdong ajangsa ashi.