Cyclone Fani-i Northeast süitsü

Guwahati, May 1 (Agencies): Tan hopta tatemlen India kübok Northeast tsütsü Cyclone Fani süitsü ta BBC Weather-i metetdaktsü.
Cyclone Fani ya tang tzüma nung ondar aser tashi taitba kümdar. Tan hopta tatemlen ka tashi nung iba yipru NE India mesüra Bangladesh atongtsü, ta parnoki ashi.
Bay of Bengal tsütsü cyclone Fani ondar aser mopung tashi tulu kümdar. Fani ya Category 3 hurricane ka indang tashi nung züngsemogo, ta Down To Earth-ia osang metetdaktsü.
India Meteorological Department (IMD)-i Fani ya cyclone yipru tesashi ka aser tashi tuluba akümtsü ta reprangtetba osang metetdaktsüogo.
May 3, 2019 tashi nung Puri aser Kendrapara tsüngda Odisha tzükümlen atongtsü, ta IMD-i ashir.
Cyclone Fani atema tebilemtsü bena Prime Minister Narendra Modi-i kümdangtsü osang den nisung ajak lendong nungi jenbua alitsü metetdaktsüogo.