CYF-i Naga nunger anemertem nokdanger

Dimapur, February 11 (TYO) : February 7, 2017 nü NTAC aser JCC nati Naga nunger anemertem ta telemtetba agiba aser ano Naga kin tem nungi züngdoka aliba nisung shinga Chakhesang nunger litsü nung mesenzüdaktsütsü, ta Chakhesang Youth Front (CYF)-i tanü sangdong ka nung metetdaktsüogo.

Tashishitsü maliba sabang ka nung item nisungtem indang ken o mangatettep tashi tenokdangbaji alitsü, ta CYF Press Secretary, Vipa Domeh-i sangdong nung shia lir.

Maneni, NTAC aser JCC tetuyuba ama February 13 nungi Chakhesang litsü mokdangtsü anungji lanurtem renema atatsü mepishir aser public-i mokdangba maparen nung haihaura kaa anidaktsü mepishir, ta CYF-isa metetdaktsüogo.