Czech Republic-i Fed Cup takok marok agizükogo

Strasbourg, November 14 (Agencies): Karolina Pliskova aser Barbora Strycova nati takok anguba ajanga par Czech Republic teloki France telok final nung tsükdakja, Fed Cup takok marok yashi, Deobar nü agizükogo.
Czech Republic teloki küm 6 tsüngda nung tan agi Fed Cup takok marok 5 benbuba agizüker lir.
Par telok anati points 2-2 ngua, kasa jenjang aliba mapang nung US Open finalist, Pliskova-i Strycova den aroki lungjemer points 7-5, 7-5 ngua, French Open doubles champions, Caroline Garcia aser Kristina Mladenovic na tsükdakja, par Czech telok nem takok marokji agizüktsü.
Tan takok marok agizükba ya Czech teloki ajak agi Fed Cup takok marok 10 buba aser tan agi takok marok 3 benbuba tashi atonga agizüker lir.
France tsür, Garcia-i points 6-3, 3-6, 6-3 agi Pliskova madak takok anguba sülen France teloki tan mezüngsüa Fed Cup takok marok agizüktsüsa anogo ka tejaklen jenjang ngua liasü.
Ajisüaka, Strycova-i points 6-2, 7-6 (7/4) ngua, Alize Cornet 5 buba aser tatembangba rubber asaya nung tsükdaktsüba ajanga par telok anaprongla points 2-2 küma, kasa jenjang kümdaktsü.