D D Lapang-i MDA sorkar indang Chief Adviser inyaker

Shillong, Mongputeni (October) 5 (Agencies): Yimtenren lennir tejen aser taoba Congress tanishir, D D Lapang Meghalaya Democratic Alliance (MDA) sorkar atema chief adviser inyaktsü shimogo.
Lapang ya Meghalaya nung punguben tashi chief minister inyaker ka lir aser pai Congress telok toktsüba sülen hopta ishika ka lir MDA sorkar atema chief adviser shim.
Meghalaya Governor ajanga sangdong ka agütsüba nung Lapang-i state sorkar atema chief adviser inyaktsü aser category ‘A’ kübok pa nem sen aser facility agütsütsü ta shia lir.
Taoba Congress tanishiri National People’s Party (NPP) den tesentaktep yanglur ta pai Congress telok metoktsüdang jembia aru.
Küm 40 tashi Congress nung dener aser len ania aruba sülen arishi küm 84 tain Lapang-i September 14 nü “AICC-i taintem züngdoker” ta tai tonglokja Congress telok toktsü.