D Khel United aser Middle Bayavü Lions semi-final-i iogo

Kohima, April 12 (TYO): Ziekezou Kohima village, KVC Ground nung tang tasayadak 4buba 10-Northern Angami-I T20 Bash asaya nung D Khel United aser Middle Bayavü Lions nati tanü parnok asaya koka semi-final-i iogo.
Quarter-final tasembuba asaya nung D. Khel United-i wicket 6 agi Mission Dukes madak takok angu. Toss akokba sülen D Khel United-i mezüng ‘field’ asütsü shimtet. Mission Dukes pur batting mezüng asüba nung wicket 6 out sür run 136 yanglu. Parnok rongnungi Peteneizo-i run 45 yanglu aser Kenei o Viketho nati run 24 aser 22 yanglua liasü. D Khel bowler Kushal-i wicket 2 agi. Run arishiba nung D Khel puri 19.1 over nung menepa liasü. Theja-i out mesüi run 56 yanglu aser James-i run 18 yanglu. Iba asaya nung Dukes nungi bowler Peteneizo-i wicket ana agi. Asaya nung man of the match Theja nem agüja liasü.
Quarter-final asaya tatembangbuba nung Middle Bayavü Lions-i Peraciezie Royals madak run 4 agi takok ngua asayamong nungi togudaktsü. Asaya nung toss koka Middle Bayavü puri mezüng bat asütsü asoshi shimtet. Parnoki over 20 nung wicket 5 out sür run 162 yanglutet. Parnok rongnungi Ponglee-i run timtiba yanglu. Pai run 87 yanglu aser iba den bendenloksema Davis-i run 29 yanglu. Peraciezie Royals puri run arishiba nung over tembang tashi nung wicket 9 out sür run 158 dang yanglutetba ajanga iba asaya mekoktet. Par telok nungi Ejanthung-i run 35, Renchio-i run 32 aser Mhachamo-i run 24 ta yanglu. Middle Bayavu bowler Neitseizo aser Imliba nati wicket anana agia. Iba asaya nung Ponglee nem ‘Man of the Match’ sempet agütsü.
April 13nü semi-final asaya yamai alitsü:
1. Lower Bayavü Giants vs D. Khel United @ 9:00 ako
2. Zienuobadze High Flyers vs Middle Bayavü Lions @ 12:00 ako.