DABA CEM Creative Worship sentong agi

Dimapur, Oct 2, 2016 : “Kü dak liang” Yohan 15:4 nung ajemdaker Dimapur Ao Baptist Arogo Christian Education Ministry nung Children Creative Worship sentong nung DABA CE Director, Kr. R. Asenla Jamir-i repranga lia DABA WM Secretary, Wt. Achila Longchar (tiyongtsü)-i mezüngbuba jenjang angur- Lungmen Fellowship incharge nem sempet agütsüdang agiba noksa angur. DABA CEM-i taküm agi küm pezübuba iba sentong ayongzüka agi aser taküma Fellowship, Prayer Cell aser Sector 11 tsüngda tetoktepba nung Lungmen Fellowship-i mezüngbuba jenjang, Walford-i tanabuba aser Sümüdem Fellowship-i tasembuba jenjang takoktem angu. Iba sentong nung tetendangertemji, Wt. Adenla (Darogapathar Ao Baptist Arogo CE Director), Sp. Enyar (Ao Baptist Arogo Diphupar, Music Director) aser Sp. Limaküm (DABA Mission Director) nungertem liasü.